- Ek hou van redeneer, maar is nie ‘n analitikus nie.
- Ek is teen kerk-speel, mens-gemaakte reëls, maar pro genade.
- Ek verwonder my oor die genade, hoewel ek dikwels myself uitvang dat ek daarvan boggerol verstaan; want ek kan ook ‘n “grace-killer” wees!
- Ek verwonder my oor die Gans Andere (soos Karl Barth oor God geskryf het) – die onmeetlike grootsheid van God.
-
Ek vind rus en troos in my verhouding met Jesus Christus; nie in “religion” nie, maar in ‘n verhouding.
-
Ek haat rassisme. Ek is ‘n optimis, maar sukkel om optimisties te bly in die vlaag van rassisme; die ergste vanaf diegene wat dekades daarteen geveg het. Maar ek weier om ‘n rassis te word.
-
Net so haat ek seksisme; dis soos om appels en pere met mekaar te laat kompeteer. Elkeen is gemaak eie na sy/haar aard en talente.
- Ek’s mal oor rekenaars en die internet. Miskein is dit my “escape route”. Ek jôl met Linux; ek verpes Vista (if XP ain’t broken, why fix it).
- Ek’s mal oor my vrou! Ek verdien haar nie; want ek kan uithaak.
- Ek’s mal oor my kinders! Elkeen uniek.
- Ek filosofeer graag hoewel my argumente soms nie water dra nie
. - Cogito ergo sum…. ek dink, daarom is ek. Kon netsowel gewees het: ek is, daarom dink ek! Dis wat ons onderskei van diere…. of is dit?
Kuier en gesels saam.
Beste swartwitpens,
Dit is seker jou goeie reg om polities korrek te wees, by die haat van rassisme en seksisme, maar sou dit vir ‘n gelowige nie beter wees om maar net onreg te haat nie?
Wel, daar is talle wat reken rassisme is nie noodwendig onreg nie; so ook seksisme. Ek weet van talle argumente tydens die apartheidsjare waar rassisme glad nie as onreg beskou is nie. Trouens, ons weet nou al hoe rassisme Bybels regverdig is! Met die stelling sê ek dus dat ek onreg haat, maar ook rassisme en seksisme.
Self steur ek my nie veel aan spesifiek rassisme nie, want liefde vir die eie is skynbaar ook rassisme, maar dit is verkeerd as ras veroorsaak dat haat tussen mense opvlam. Wat mens net bekommer oor die algemene neiging in rassisme, is dat dit net ‘n wit teenoor swart aangeleentheid is, wat natuurlik ten hemele skreeu. Dit kan volgens sekeres nooit andersom wees nie. Ek vertrou dat jou perspektief ook rasse-haat is en nie etniese realisme nie.
Ek’s ‘n ds en dit lyk my ek en jy sou glad nie goeie pelle wees nie, want dit lyk my ons is baie dieselfde. Ek dink net nie ek is ‘n grace-killer nie. Dalk eerder te liberaal as grace-killing. Soos jy sê (in dieselfde woorde as wat ek sou gebruik): ons verstaan eintlik boggerol daarvan. Ek is besig om een van jou preke te debs vir ‘n troue môre. Hoop nie jy “mind” nie.
Wil myself net kom voorstel. Ek het op aanbeveling en hulp van ‘n vriendin besluit om ons webwerf voortaan self te bestuur. Wat die bloggedeelte betref: Ek is nie ‘n skrywer van format, maar ek wil graag my ondervindinge van die wildplaas met almal deel. Dit is ‘n nuwe uitdaging vir my. Help gerus as jy sien ek trap klei. Ek sal soos die tyd dit toelaat by almal probeer uitkom.