Jinne maar wat ‘n week vir die voorblaaie!  Joost, Jurie, Jacob (Maroga), Jobbie (sorry, Robbie), J(ch)uene …

Joost: jip, nou pop daar natuurlik agter elke bos ‘n meisie op wat ook die gaatjie in Joost se onderbroek gesien het.  Dis asof dit ‘n status simbool geword het – wys jou net hoe vêr ons geval het met morele waardes!  Ek’s nog laas daar waar ek, as ek so ‘n meisie sou wees, so geshurrup het!  Dat ek in ‘n buite-egtelike verhouding betrokke was….. Ai! 

Ek onthou destyds met Naas, wie ook in die nuus was oor … meisies, wat anders!  Skielik het daar talle meisies opgeduik wat beweer het hulle loop met sy kind rond.  Seker gedink daar’s ‘n geldjie, of dalk bietjie roem in die bloed!  Arme Amor!  Maar as sy dit kan regkry, sal dit tog wonderlik wees as hierdie huwelik kan hou – ek glo nog steeds kinders het albei geslagte ouers nodig in hul ontwikkelingstadia!  En die “verklikkers”?  Is julle nou “happy”?   Mag dt nie jul ”claim to fame” in jou lewe wees nie!  Dis nie dat ek sê daar was nie ander meisies wie deur die gaatjie in die onderbroek gespeel het nie!  Dis net so ironies/jammer dat meisies dink dis cool!  Ons wag maar en sien hoe hulle eendag voel wat Amor vandag voel?  Moet dan nie kwaad wees nie want, … die wiel het maar net gedraai! 

Jurie & Robbie: Wel, die man is nog nie skuldig nie, maar flip… ek sal nie by so ‘n saak selfs as ‘n getuie wou wees nie!  Hoe lyk dit my Jurie probeer maak asof dit alles in die oopte gebeur het, amper soos “consenting adults“.  Am I missing something here, but Robbie was not an “adult”!?  En dit maak alles natuurlik so totaal onwettig!  Maar weereens, hoe laag kan ons nog gaan as dit alles OK is as “consenting adults“.  Ag, miskien is ek net besig om oud te word!

Jacob Moroga: Jip, hoog tyd dat hy gaan.  Kan hy nie dalk ook gevra word om sy R3 mil/jaar bonus óók terug te gee nie?  Daarmee kan ons darem ‘n hele paar armes se elektrisiteitsverhoging volgende jaar borg!  Dalk selfs ‘n hele klein township!

Chuene:   En hy’t gedink dis so edel om te lieg!  Wel, gelukkig gaan ons nie só laag nie, want dis nou juis daaroor dat hy gefaks is (dankie Louis Luyt).  Net jammer dat Caster soveel moes deurgaan voordat die ASA-slimmes tot verhaal gekom het.  Arme Caster 

Ander:  Daar’s nog talle ander stories die week wat ewe belangrik sou wees om te noem. 

In al die gevalle was daar slagoffers.  Arme Amor & kids, Hestrie & kids, Caster, SA-ners!  Mag ons net leer uit so ‘n week se drama – soos Tim du Plessis skryf, as jy nie in die nuus wil wees nie, moenie goed doen wat jou daarin gaan plaas nie.  En o ja, moenie dink jy gaan dit weggesteek hou nie.  Dit het die nare gewoonte om iewers eendag op te duik.  En is dit nie amazing nie (dalk eerder skrikwekkend) , dikwels op ‘n tyd en plek waar jy dit die minste kan bekostig!

…en toe was dit al die tyd ou Joost.  Nie dat meeste van ons gedink het dit is NIE “Just Juist” gewees nie. 

Ironies genoeg het ek meer van ‘n probleem daarmee dat hy so hardnekkig volgehou het dit is NIE hy nie, as met die seskvideo self.  Flip man, erken dit was jy en stap aan!  Ons almal neem dom impulsiewe besluite op die ingewing (of swakheid) van die oomblik, maar om so ‘n tirade aan te gaan in jou ontkenning, is om dit net erger te maak!

Ek is die laaste ou wat hom kan veroordeel!  Ek het selwers al hopeloos te veel kere dom goed gedoen in die swaheid van die oomblik!  Al verskil is – ek is nie bekend nie!  Julle weet nie van my nie!   Persoonlik was my strategie – en ek moet my pa daarvoor bedank!!! – om om verskoning te vra, jou pak te vat, en aan te stap!  Leef die oortreding dood!

My pa het baie dinge oorgesien, maar het NOOIT ‘n geliegery oorgesien nie.  Hy’t altyd gesê: as ek jou nie meer kan vertrou nie, kan ek nie vir jou “veg” as dit eendag nodig is nie!  En soos dit moes wees, was dit eendag nodig toe ek valslik beskuldig is van iets!

So ou Juicy, dis jammer dat jy so hardnekkig ontken het – “deny, deny” - maar kry dit nou agter jou rug en maak reg!  Soos die Bybel sê: sondig nie meer.  En as ek my nie verbeel nie, het die voortvarende studente wat die storie gebreek het eendag gesê: ons wil hê almal moet sien die held doen dit greeeld!  As dit so is, stop daarmee!

Mag hy en veral sy vrou en kindertjies, geseën word deur die Here self!

Ek het aanvanklik gedink George Claassen se opmerking om skole hof toe te vat oor godsidens in skole, was maar ‘n storm in ‘n koppie.  Dit blyk nou dat dit ‘n groterige koppie is!

Ek en George hardloop nou nie eintlik in die selfde wedloop nie – hy glo God bestaan nie * - maar ek het self vrae oor godsdiens in die skole.  My probleem is nie die godsdiens in die skole nie, maar die inhoud van daardie godsdiens.  Ek het selfs al lankal ‘n probleem met die inhoud van die kategese wat by die kerke aangebied word.  As jeug ds moes ek al baie jongmense “oor leer” oor sekere geloofsake wat verkeerdelik in die kategese geleer is.  Ek wou daarom al die kategeseskool toemaak.

Ek meen ek het goeie gesag agter my om dit wel te doen!  Is ons dan nie ‘n verbondskerk nie.  En as ons is, is die oordrag van geloof (en dis nie net die dogma nie, maar OOK die lewenstyl) nie die verantwoordelikheid van verbondsouers nie?!? (Deut 6).   Dat hulle nie hul werk doen nie, maak dat dit nou in die skole gedoen word – maar watter inhoud; en teen watter prys?  Soos wat dit tans gedoen word, is vir my te gevaarlik naby aan ‘n godsdienstige sousie wat oor gewone, onetiese lewe gegooi word; en dan noem ons en ons kinders onsself godsdienstig!  Al wat baie vna hierdie inhoud oor die jare (beide skool en kategese) kon doen, is om sedelessies te wees wat uiteindelik net skuldgevoelens aanmoedig (OK, ek moet dalk ‘n hele blog aan hierdie stelling afstaan…).

Dit sou nie vir my die dood van Katryn wees het as godsdiens in die skool weggeneem sou word nie!  Weliswaar jammer vir ‘n geleentheid wat ons tog nog het om met ons kinders oor godsdiens te praat.  So, eintlik is ek teen George se missie, maar kan ek asb pleit vir Bybelgetroue inhoud vir ‘n geleentheid wat daar tans nog is!

Net ter wille van balans, daar is talle CV verenigings, jongmense en onderwysers wat wel goeie en Bybelgetroue inhoud het en verkondig!  Ek reken net dat daar ongelukkig te veel van die verkeerdes is.

* net vir interressantheid.  Ek verstaan George Claassen is ‘n ateis; oftewel, hy ontken die bestaan van God.  Prof Johan Heyns het ons altyd vertel dat ‘n ateis eintlik meer “besig met God” is omdat hulle heel tyd besig is om bewyse op te bou dat God nie bestaan nie!

Fagga lo spade…. 

As ons voorsate gevlug het SA toe, hoekom vlug die wittes wat nie kan of wil aanpas, nie terug na hulle land van herkoms nie?  OK, as jy dan nie kan nie, maak vrede met…

Ek lees in ‘n brief in die Beeld van ‘n ene dr Ben de Klerk dat ons weer ‘n bloedrivier kan doen.

Asseblief, behoede my dit!!!!!  Van wanneer af is God “net aan die kant van wit mense”?  Was Bloedrivier ‘n heilige oorlog?  Jammer om julle teleur te stel, maar tussen die “heilige oorlog” tydperk en vandag het Jesus gekom en die “uitverkore volk” uitgebrei na ‘n universele “volk” – elkeen wat Jesus Christus aangeneem het, het die REG om kind van God genoem te word.  En ek dink ook nie Bloedrivier was ‘n oorwinning van wit oor swart per se nie. 

Maar wag, ek het al hieroor geblog!  “Suffice to say”, ek hoop nie wittes hoop op ‘n nuwe bloedrivier nie!

Terloops, al die briewe teen Nico Smith bevestig presies my punt in die vorige blog!

Blog jy?  Is jy Afrikaans? 

Gaan gerus na Johan Swarts se webblad en help hom in sy navorsing.  Hy doen ‘n skripsie oor die afrikaner en identiteitsvorming en is besig met ‘n sensus.

Daar’s een ding wat my al meer pla, en dis die negatiwiteit van wit (moet ons nog sulke terme gebruik?) Suid-Afrikaners.  By my werk, in die koerante, om die braaivleis-vuur, op FB; oral waar ons aan die woord kom, kan die “wittes” nie ophou praat oor die vreeslike agteruitgang in SA nie.

En in ‘n groot mate blameer ek die afrikaanse koerante vir die “instandhouding” van die negatiewe gees onder “wittes”.  Ek koop die afgelope jaar of so nie meer afrikaanse koerante nie.  Daars ‘n merkbare verskil tussen die afrikaanse koerante se “gees” en die van engelse koerante.  Ja, die engelse koerante kla ook, maar anders! 

Ek was so paar jaar gelede in ‘n debat betrokke met die redakteur van die Beeld oor die sensasie-gedrewe beriggewing en plasing van nuus.  En altyd kom die koerante weg met “dis ons plig om die volk in te lig” en “dis ons konstitusionele reg“.  Ja, dit is seker so, maar die gesindheid en manier hoe daaroor berig word, is die verskil.  Na my mening is dit juis hierdie verskil wat die negatiewe gees in stand hou want, soos ek sê, ek het intussen agtergekom die engelse koerante berig ook hieroor.

Hierdie negatiewe gees van wittes pop elke keer uit, soos:

• toe baie van ons vir Semenya ondersteun en ewe vies is vir die wêreld oor die hantering van haar, was daar verbasend genoeg, talle wittes wat saam met die wêreld staan of liewer, nie bankvas agter Semenya verenig nie.  Trouens, ek was seker die hoof van ASA (Chuene) was “dronk” oor die aanmerking dat wittes uit SA haar geslag in twyfel getrek het, maar nadat ek ‘n paar “wittes” se kommentaar gelees het op blogs en in briewekolomme, is ek nie seker dat Chuene se opmerking onmoontlik is nie!  Tragies!
• toe Huntley asiel in Kanada gekry het – terloops, hoe oningelig moet ‘n land nie wees as hulle sulke snert kon glo nie; dat Huntley van die laaste wittes is wat nog leef in SA – was daar ‘n blogger wat die “verhaal” eintlik baie mooi beskryf het.  In plaas daarvan dat ons wittes weer bankvas agter die SA regering staan, lees ek talle koements op die blog wat indirek Huntley ondersteun!  Wat-de-flip?  Hoe op dees aarde kan jy Huntley ondersteun – hy werp so ‘n refleksie op ons land en ons land se beeld na buite dat dit vir my grens aan hoogverraad – ok, dalk nie so erg nie, maar sy “storie” is absoluut crazy!  Wat hartseer is, is dat wittes in SA hom ondersteun.  En intussen het dit duidelik geword dat Huntley self nie ‘n engeltjie is nie; nie so ‘n voorbeeldige landsburger is dat ons oor ons voete sal val om hom terug te verwelkom nie; inteendeel – is daar nie dalk ‘n ander land wat hom wil hê nie?
   - sy vervreemde vrou
   - “Canada shocked to learn huntley wasn’t last white…” ?!? 
  Ferdie Greyling vra dat ons ophou om Huntley te probeer bykom.  Ferdi wys op ‘n paar “waarhede” uit Huntley se “storie” aan die Kanadese.  Ja, daar is nog misdaad en roof en al daai goed, maar wragties, ek is oortuig daarvan dis nie gemik teen wit mense as sulks nie.  Dis misdaad!  Dis ‘n oorlog tussen “have’s and have-not’s”.  Dis ‘n oorlog om voortbestaan waar daar ongekende verdeling is tussen rykdom en armoede – 18 milj onder die broodlyn!, terwyl ander regtig miljoene verdien; waar daar hopeloos te veel werkloosheid is.  En kom nou julle, wees ‘n bietjie eerlik, “wittes” leef nog steeds “a good life“.  Daar’s nog steeds baie meer swartes in daai 18 milj as wittes!  Nee wat Ferdi, al is sekere aannames van Huntley waar, is dit nie naastenby genoeg vir my om hom “uit te los” nie!
  ‘n Paar Huntley-ondersteuners:
   - Conrad
   - Tallie (terloops, ek’s so bly jy’s al 7 jaar weg uit SA uit; ek hoop jy kom eers terug nadat jy ‘n meer positiewe gees ontwikkel het).  Miskien moet ek nie dit sê nie.
   - Afriforum
• Nico Smith skryf ‘n artikel in die week se Beeld; ‘n baie goeie artikel wat my gevoel onderstreep – “adapt or die”.  “En “adapt” sal in die eerste plek vereis dat die klaagliedere oor die swart regering, asook oor swart mense in die algemeen sal moet ophou.  Ons het geen keuse nie as om lojale Suid-Afrikaners te word…”  Wel, miskien oordryf Nico Smith so effens, maar die punt wat hy maak is inderdaad: maak ‘n bietjie vrede met die regering en swart mense.  Ja, alles is nie reg nie, maar alles is ook nie verkeerd nie!  Ek wil byvoorbeeld, nie ‘n dag weer ou-SA he nie!  Ek dink byv. die krediet wet is van die bestes in SA en het gemaak dat ons die “credit crunch” makliker as van die ander “groot” lande gevat het.  Ek dink dis wonderlik dat swart kinders toegang het tot beter opvoeding ens, ens, ens.  Ons land en sy natuur, verskeidenheid, “vibe” is sekerlik van die bestes in die wêreld.  Daar’s baie meer positiewe goed wat ons wel kan opnoem, maar die wittes (onder invloed van koerante), hou aan sleg sê en kritiseer.  Felle en talle kritiek teen Nico Smith (Nico Smith jy’s ‘n lafaard) se artikel onderstreep hierdie negatiewe gees.
• o ja nog iets; 14 jr later en wittes kan nog steeds nie die volkslied sing nie, veral nie as ons oorsee sing waar die expats woon nie.  Is dit so moeilik om ons nuwe volkslied te “embrace“.  Dis immers ‘n gebed!  Dat baie dit aan kommunisme koppel is nie oor die musiek of woorde nie, maar oor die verdraaide propoganda van die Nasionale Party regering.  Terloops, waar kry die flippen ausies en nzies die mense wat ons volksliedere sing?  As dit nie vals is nie, is dit ‘n onverstaanbare uitspraak en melodie (raai wat doen ek nou? ).

So, voor ons nie vrede maak met swartmense en die regering nie; ondersteun waar daar ondersteun kan en moet word nie; weer patrioties veg vir die beeld van SA nie; ens. – voor ons nie gaan verander nie, gaan hierdie swart-wit, ons-julle verdeling bly; en gaan swartes aanhou om eers mekaar te ondersteun (laer trek) as om objektiwiteit en rasionaliteit te laat seëvier.  ‘n Goeie voorbeeld is die Johan Kriegler-storie van die afgelope twee weke.  Ek is seker daar’s talle swart mense wat voel soos hy voel, maar hulle is dood stil; trouens hulle trek eerder laer om regter Hlophe omdat dit nog wit vs swart is i.p.v. om Kriegler te ondersteun in die behoud van die objektiwiteit van die regbank.  Dis nog steeds waar: Eenheid maakt mag!  Solank ons net besef dat eenheid bestaan uit ALLE SA-ners.

Ek bid vir ‘n verenigde SA; vir nuwe harte in beide swart en wit mense; vir ‘n gees van optimsime; vir die oorwinning van negatiwiteit.  ‘n Gees van negatiwteit het geen voordele nie en kom sekerlik nie van die Here nie!  Bloggers, kom bid saam met my hiervoor!

(*edit)  Ek sien Tim du Plessis het soortgelyke sentimente oor die “ons-hulle” verdeling.

Ek kry alweer ‘n email in die pos die ander dag.  Ek is al so sensitief vir die goed; as ek net sien “add your name at the bottom“, of stuur aan nog 10 ander, lees ek nie eens verder nie en kliek lustig op die X knoppie.

Maar dié een – join this FB group - kry ek toe van ‘n “reputable source”… en lees verder.

PLEASE HELP US TO REMOVE THIS GROUP FROM THE POPULAR WEBSITE FACEBOOK!!!!!!!JUST ADD YOUR NAME TO THE LIST AND FORWARD, IT ONLY TAKES A FEW MINUTES OF YOUR TIME!!!!!!  

Facebook Groep

This mail serves as a petition to protest the group “Fuck Jesus Christ” which appears on the popular website Facebook.
Though the group, claims to be for the freedom of speech – it is offensive to Christians around the world.
No longer will we stand and watch Jesus Christ being abused by people who think it is ok to hide behind ‘freedom of speech’.
When a picture of the Prophet Muhammed appeared in a Danish newspaper, the Muslim community united and ensured action was taken. 
By adding your name to the bottom of this petition, you are calling on the Pope, our leader, to be the voice for all Christians and speak out against this blatant abuse of our Lord and Saviour Jesus Christ. We want Facebook to remove this group and others like it with immediate effect. It is not acceptable!
Please add your name to the list at the bottom and if you are the 100th person, please forward the mail onto the Pope his e-mail address is <mailto:benedettoxvi@vatican.va> benedettoxvi@vatican.va

Kom ons kry net die feite reg – ek dink dis walglik dat daar so ‘n groep bestaan en ‘n bespotting maak van my Verlosser!  Ek het egter ‘n klompie vrae oor die internet petisies en hul waarde:

1. Is die pous noodwendig “our leader” en die regte persoon?
2. Is ons so ekstreem soos die moslems met wie hier vergelyk word?  Moet ons so ekstreem wees?
3. Bepaal my “ekstremiteit” in optrede teen sulke goed noodwendig my liefde en respek vir Jesus?
4. Moet ons soveel “air time” aan die duiwel en sy werke gee?  Paulus sê ons moet nie eers oor die goed praat nie.  Gee ons nie hopeloos te veel erkenning aan die duiwel en die bose nie?
5. Is sulke petisies enigsens iets werd?  Is daar regtig iemand wat die goed konsolideer en forward na die regte adres?  Hoeveel “nr 324’s” is daar as die lys ge-cc word aan 100 mense in my adresboek?
6. Daar is nie net 1 so ‘n groep nie, maar 3 met onderskeidelik 285 lede, 2881 lede en 95 lede (en nog ‘n paar ander soortgelykes ook).  Daar is alreeds ‘n FB-groep wat vra vir die verwydering van hierdie groep(e) en het alreeds 158,022 lede.  My logika sê dat Jesus alreeds eeue gelede gewen het, en dat “sy soldate op FB” nog steeds wen.
7. En wat van godsdiens vryheid.  Ek hou dalk nie van hulle godsdiensoortuigings nie, maar hulle is welkom.  Ons IS nog nie in die hemel nie en daar sal (en mag) sulke groepe en mense wees (en daar was nog altyd).  Die internet het dit net moontlik gemaak om hulle tot op ons “desktops” te bring.
8. Ons werk is nie om hulle van die aardbol te verwyder nie, maar om hulle bekend te stel aan die enigste en ware God.  Ek lees nêrens in die Bybel dat daar aanvalle geloods is teen die “vyande van die kruis” nie; eerder liefde en begrip en gebed vir “ons vyande”.  Daar waar daar wel, onder vaandel van Christendom, aanvalle geloods is, en oorloë gemaak is, het die kerk geweldig skade gely (as ek nou my kerkgeskiedenis reg onthou).

Persoonlik dink ek, hierdie petisies (en kettingbriewe val in dieselfde klas), is net bedoel om ons internet hoofweë te clutter; dit terwyl ons nog van die min lande is waar bandwydte nog ongemaklik duur en skaars is!  En wat godsdiens betref, dink ek daar’s ander maniere om die oorlog te voer, soos die wapenrusting van God.

As jy dus baie sterk voel oor beswaar maak – gaan “join” die FB-groep en word nr 158,023.  Wag-’n-bietjie!  Tussen gistermiddag en vanoggend, het die groep al gegroei met 1,581 na 159,604, daar’s nog een, 159,605; terwyl die groepe nog steeds 95 is, die ander 288 en 2904 (gegroei met 26).  Maar hou ons internetweë so skoon as moontlik!

Vandag se Rapport het ‘n foto van ‘n model wat nie soos jou tipiese model lyk nie.  EN GOED SO OOK!  Ek het al lankal ‘n groot pyn met die beeld wat die media aan ons voorhou van hoe ‘n vrou behoort te lyk, sonder om ook vir ons te vertel van die pyne waardeur daai modelle gaan om so te lyk.   Uiteindelik kom die boodskap deur – nie almal hoef soos Twiggy te lyk nie.   

Rapport, Sondag 06/09/2009

En blykbaar het Lizzi Miller in trane uitgebars oor die reaksie omdat sy haar lewe lank gesukkel het om “maer” te wees.  Hoeveel jong meisies gaan nie deur dieselfde “pyne” nie.  Nee wat, ek;s ewe opgewonde hieroor soos die miljoene vroue. 

Lees die oorspronklike artikels hier: “The Inquisiter“ , Glamour Tydskrif.

Ons mans – ok, EK – hou nie noodwendig van die Twiggy-lyf nie.  Meer nog, hoe kan ons mans ons vrouens kritiseer oor hulle gewig as ons self (dikwels noodgedwonge a.g.v. die ouderdom), al hoe meer sukkel om die maag te vermy?  Ek kan my altyd verkyk aan die paartjies op die strand – ronde bierpens met die maerste amper-model lyfie aan sy sy, en 2 kinders wat in die vlak water speel.  EN dikwels, hoor ek, is dit hulle mans wat hulle “druk” om so gou as moontlik weer daai 22-jarige lyfie terug te kry na die baba. 

En jy meneer bierpens?  Nee wat, ek glo aan gesond leef; gebalanseerd leef; en …, wel hierdie blog som dit vir my op!  Lees gerus hier…

Recently in large French city, a poster featuring a young, thin, and tanned woman appeared in the window of a gym. The poster read:

 THIS SUMMER DO YOU WANT TO BE A MERMAID OR A WHALE?

Lizzie Miller

 A middle aged woman, whose physical characteristics did not match those of the woman on the poster, responded publicly to the question posed by the gym.

To Whom It May Concern:

Whales are always surrounded by friends (dolphins, sea lions, curious humans). They have an active sex life, they get pregnant and have adorable baby whales. They have a wonderful time with dolphins stuffing themselves with shrimp. They play and swim in the seas, seeing wonderful places like Patagonia, the Barren Sea and the coral reefs of Polynesia . Whales are wonderful singers and have even recorded CDs. They are incredible creatures and virtually have no predators other than humans. They are loved, protected and admired by almost everyone in the world.

Besides that, Mermaids don’t exist.  If they did exist, they would be lining up outside the offices of Argentinean psychoanalysts due to identity crises.  Are we fish or human?

They don’t have a sex life because they kill men who get close to them not to mention how could they have sex? Therefore they don’t have kids either. Let’s not forget to mention who wants to get close to a girl who smells like a fish store?

The choice is perfectly clear to me; I want to be a whale.

P.S. We are in an age when media puts into our heads the idea that only skinny people are beautiful, but I prefer to enjoy an ice cream with my kids, a good dinner with a man who makes me shiver and a coffee with my friends. With time we gain weight because we accumulate so much information and wisdom in our heads that when there is no more room it distributes out to the rest of our bodies. So we aren’t heavy, we are enormously cultured, educated and happy.

Beginning today, when I look at my butt in the mirror I will think, my gosh, look how smart I am!

####

Ek is besig om Adrio Konig se boek te lees” Die Evangelie is op die spel”.  Geniet dit inderdaad.

Wat my veral raak is sy bespreking van die verskil tussen Kruis-evangelie en Opstandings-evangelie; oftewel, die verskil tussen die Westerse kerk se “hoofmoment” van Jesus se lewe vs die Oosterse kerk se “hoofmoment” van Jesus se lewe.

Volgens Konig, het die Ooserse kerk nog altyd, soos die Nuwe Testamentiese skrywers, meer gefokus op die opstanding as Jesus se oorwinning oor die doderyk, terwyl in die Westerse kerk die kruis as antwoord op die sonde voorop gestaan het.

Ek is ‘n “kind van die Westerse kerk”, maar het in die laaste paar jaar ook almeer opstandings-georienteërd geraak.   Hoe meer ek oor die genade gelees en gedink het, hoe meer het ek frustreerd geraak met ons oorbeklemtoning van die sonde en die kruis.  Weliswaar het Jesus aan die kruis vir ons sonde gesterf waarsonder ons inderdaad in die moeilikheid is; maar dit was tog verseker nie die laaste woord nie.  Intussen het Jesus nie net vir die sonde kom betaal nie, hy’t ook die doderyk kom oorwin.  Onthou, die dood is die finale wapen wat die duiwel het om ons gemeenskap met God te ontneem.  As daar ‘n “antwoord” vir die sonde is (Jesus se kruis dood), “kort ons nog ‘n antwoord” op die laaste angel – die dood!  En dis waar die opstanding in kom!

Ek wonder dikwels of die oorbeklemtoning van die sonde en kruis-evangelie nie die rede is vir die wettisisme en moralisme wat so welig in ons kerk groei nie?  In teenstelling met ‘n sonde-beklemtoning, bring ‘n opstandings-evangelie balans deur te wys op die genade en verlossing wat die kruis gebring het.  ;n Opstandings-georienteerdheid wys na die geweldige oorwinning wat Jesus vir ons bewerk het deur op te staan uit die dood en daarmee die angel van die dood finaal getrek het. 

Soos Konig sê; in die OT was die “probleem” nie die sonde nie want daar was ‘n antwoord op die sonde – ‘n uitgebreide offerdiens; maar die doderyk en die finaliteit van die dood.

Ek sal graag bietjie meer hieroor wil oplees.